लिंक म्हणजे 'दुवा'

 *लिंक म्हणजे 'दुवा'*

हल्लीचं जग मोठया प्रमाणावर जोडलेलं आहे. इतकं कि एक थिअरी, सिक्स डिग्रीज ऑफ सेपरेशन सांगते की सोशल मीडियावर ... Six degrees of separation is the idea that all people are six or fewer social connections away from each other. As a result, a chain of "friend of a friend" statements can be made to connect any two people in a maximum of six steps. 

आजही मी एकाला दुसऱ्या दोन जणांशी जोडलं आणि सहा स्टेप्स थिअरी वास्तवात आणण्यास मदत केली. किस्सा मजेशीर आहे. 

*ऑक्टोबर २०२०*

रशियाच्या मॉस्को ऐअरपोर्टवर, सामानाच्या बेल्ट जवळ, एक तिशीतला भारतीय भेटला. चौकशीअंती कळलेकी तो अहमदनगर येथीलभारतीय आहे. मग पुढील तीन दिवस आमची खूप सॉलिड मैत्री झाली. त्याने मला 'मॉस्को' या अति सुंदर शहराचा 'शोध - एक्सप्लोर' घेण्यास  खूप मदत केली. त्याला रशियन येत असल्याने तो माझा गाईड झाला होता. त्याच्या शिवाय मला मॉस्को 'सखोल' बघता आलेनसते कारण भाषेचा अडसर खूप मोठा आहे. विनय तेथील पेट्रोलियम कंपनीत काम करत होता. विनयचं लग्न झालेलं होतं पण विनयआईचं 'लेकरू' होता हे त्याच्या सानिध्यातून जाणवलं. असो. तीन चार दिवसानंतर मी युरोपकडे प्रयाण केले. विनायमुळे 'रशिया भेट' जास्त फलद्रुप झाली. विनायबरोबरचं नातं उमललं आणि ....

*नोव्हेंबर २०२०*

मी आणि राजा, नॉर्वे - ओस्लो येथे हॉस्टेलमध्ये चेक इन करत होतो. ह्या हॉस्टेल मध्ये रूमवर स्वयंपाक करण्यास भांडी मिळतात. मीराजाला सांगत होतो 'दोन ताटल्या, दोन चमचे, एक छोटं एक मोठं भांड, अन दोन वाट्या घे'. आमचं संभाषण मराठीत मोठ्याने चाललंहोतं. आम्हीं मोठ्याने बोलत असल्याने 'युरोपियन शांततेचा' भंग झाला होता पण ' who cares ' या 'अटीट्युड' मुळे आम्हीं बिनधास्तहोतो. तेव्हढ्यात एक तिशीतला मुलगा माझ्या जवळ आला आणि विचारता झाला 'मराठी का?'. मी आश्चर्याने 'हो' म्हणालो आणि मग.... मग काय? अनिल आणि सुनील, जुळे भाऊ आमच्या रूमवर आले आणि गप्पांचा पाऊस पडला. ते दोघंही भारतीय दुबईत राहतात. लिमिटेड भांड्यांमध्ये 'शिजवलेल्या' आणि भाज्यरहित 'नूडल्स' आम्हीं आवडीने खाल्ल्या. परत गप्पा. दुसऱ्या दिवशी सकाळपर्यंत नातंउमलत गेलं आणि .......

*वर्ष २०२१ - २०२२ - करोनामय*

या काळात एकदा दोनदा व्हाट्स अप वर हाय, हाऊ आर यू ? झालं. विनय पुण्याला परतला होता. बहुदा जॉब गेला होता. अनिल सुनीलदुबईत मजा करत आहे. 

*२७.०८.२०२२ : म्हंजे परवा*

विनयचा व्हाट्स अप चॅट पहिला. तो सध्या दुबईत आहे. आठवड्या पूर्वी पोहचला. दुबई म्हणजे 'मजा' असं आपण जे गृहीत धरलेलंअसतं तसं काही नव्हतं. तो सांगत होता 'Just feeling alone and depressed so need some motivation'. आईशी बोलणंझालं 'My mother called me hour ago and asked ‘करमत आहे का ? ’ so ....'. 

मग नंतर मी त्याच्याशी अर्धा तास चॅट केलं. त्याला मोटिव्हेशन दिले. त्याला सांगितले कि 'खिशात पैसे असले कि डिप्रेशनला वाव देऊनको. आईला, बायकोला सांग 'मजेत आहे' - म्हणजे त्या काळजी करणार नाही. तुझे हे दिवस निघून जातील. यानंतर त्याला मी दुबईस्थित अनिल सुनिलचे फोन नंबर त्यांना न विचारता दिले. विनयला सांगितलं 'बिनधास्त कॉन्टॅक्ट कर अन पाहिजे ती मदत मग. तुझेप्रॉब्लेम ते सोडवण्यास ते मदत करतील’. माझ्याशी बोलून त्याला बरं वाटलं. डिप्रेसड माणूस शब्दांचा 'भुकेला' असतो हे मी सौदीतअनुभवलं आहे. तेथील वातावरण विचित्र असतं आणि म्हणून चांगल्या माणसाची, मित्र नसतील तर, मानसिकता बिघडते हा स्वानुभव. विनयला सांगितलं 'मला केव्हांही फोन कर. आणखी मित्रांचे नंबर देईन' अन चॅटिंग संपवलं. 

*३०-८-२०२२ म्हणजे आज*

सकाळी सकाळी विनयने व्हाट्स अप केलं. सांगतोय 'अनिलने मला मराठी ग्रुप मध्ये ऍड केलं. ताबडतोब मला अपार्टमेंट मिळाले सुद्धा. All is good Sir. थँक्स सर'. मला 'गुड फीलिंग' आले. विनय आता लवकर सेटल होईल. नवे मित्र. नवी उभारी. There is no question of depression now. Only US Dollars 💸. एकदा का बायको आली की .....

सोशल मीडिया वर प्रत्येक सहावा माणूस कनेक्टेड आहे. आत्ता नाही का मी .... नवीन कनेक्शन प्रस्थापित केले. बाप्पा मोरया. 

गंमत म्हणून स्क्रीन शॉट्स बघा.